За да ја исполнат својата мисија и да се усогласат со законодавството,
секоја организација мора да обезбеди соодветно ниво на
сигурност на нивните информации, особено приватните и личните
информации.1
Операциите кои се занимаваат со обработка на приватни и лични
информации се под континуирано влијание на постојаната менливост
на средината. Процесите постојано се менуваат со бројни
внатрешни или надворешни фактори. Несигурностите создадени
од такви промени ќе влијаат врз тоа како организацијата треба да
реагира за да се осигури дека нејзините информациски средства се
соодветно заштитени. Затоа, постои потреба од посебен систем за
управување кој ѝ помага на организацијата да управува со неизвесностите
кои можат да влијаат врз безбедноста на нивните информации.
Луѓето и средствата доаѓаат и си одат, тие се движат внатре во
организацијата, се воведуваат нов софтвер и хардвер, а се случуваат
и физички промени во инфраструктурата. Секоја промена воведува
нов ризик во форма на можна површина за напади - освен ако не се
усвои методички, процедурален пристап.
Редовно се воведуваат промени на прописите. Секоја промена
може да воведе нови барања од системот за управување со безбедноста
на информациите и да претставува нов ризик за приватните и
личните информации.
Безбедносните мерки што ги штитат приватните и личните информации
не можат општо да се дефинираат, бидејќи тие мора да
потекнуваат од процесот на управување со ризици за безбедност на
информациите. Управувањето со ризици за БИ е единствено за
организацијата и е специфично за контекстот на организацијата во
која се обработуваат приватните и личните податоци.
